مســـ,,,ـــاؤوؤوكم خير ومحبة / ولا صباحكم مربى وقشطة ^^
كيف حال شيخات مجدها ؟؟
عساكن بخير وعافيه يا حلوات !!
من فتره وانا مصوره كذا طبق وحابه انزله بس اتعاجز كش علي
عاد اليوم اخذت اول غداء صورته لكم بعدستي
وقلت ما صارت يا بنت لي متى مخزنته بجهازك خلصي علينا ونزليه :.
وتبن الصدق كسرتن خاطري قلت اكيد الحين جويعات وادورن
اللقمه فقلت يا بنت ارافي بحال خواتس ونزلي لهن الماعون هع
ادري كثرت عليكن بالهرج عاد الحين بنطلق مع اول طبق وهي سطله
الجرجير يم يم يمي
((1))
سلطه الجرجير
طبعا المقادير :.
جـرجيــر + بصل + طماطم + جـزر ..
التتبيله :.
خل + ملح + زيت زيتون + سماق ..
((2))
شوربه الخضار
المقادير :.
جزر + كوسه + بطاطس + فليفله خضرا + بصل + ثوم + بهارات + فلفل اسود
+ شوربه ماجي + فص ماجي + نشا
الطريقه :.
تسلق الخضار مع بعض الى ان تستوي بعدها نقوم بخلطها بالخلاط
وبعدها نحطها بقدر ونخليها على نار هاديه نظيف البهارات والفلفل الاسود
والفص ماجي ... بعدها ناخذ ملعقه نشا ونضربها بمويه دافيه الى ان تذوب
ونضيفها للشوربه حتى تثقل شوي معانا وبعدها نظيف شوربه الماجي :.
واسكبيها بماعون التقديم وهني وعافيه على قلوبكن .:.
((3))
الطبق الرئيسي :.
رز مع صلصله الدجاج :.
المقادير :.
رز + دجاجه ونص مقطعه من غير عظم + بصل + كمون + فلفل اسود + ورق غار +
دارسين+ملح + زيت زيتون + كريمه خفق كي دي دي + 2 ملعقه قيمر + صوص الدجاج+
صلصله حمراء + زبده + فص ماجي + صبغه كيك ...
الطريقه :.
اطبخ الرز مع شويه ملح ورق الغار والدارسين وزيت حتى ينضج
اقوم بشغله وبعدها ارجاعه للقدر رش عليه صبغه الكيك لاعطاءه لون ..
واتركه على نار هادئه الى ان ينضج :.
نقوم بغمس قطع الدجاج بملعقتين قيمر وكريمه الكي دي دي والفلفل الاسود والكمون
وشوي زيت زيتون وملح لمده تتراوح ما بين عشر دقائق الى ربع ساعه وكل مازادت
المده كل ما كان احلى واحلى هع
بعدها نحط القدر على نار هاديه ومن ثم نظيف الزبده وعليها البصل المقطع بحجم متوسط
الى ان يتشوح بعدها اقوم بإظافه الصوص له ومن ثم معجون الطماطم وفص الماجي
وفلفل شوي وكمون بعدها اسكب خلطه الدجاج عليها الى ان تفور بعدها اجعله على
نار متوسطه الى ان ينظج الدجاج وتكون الكريمه غاثره عندي يعني فيها مرقه شوي
وبعدها انجبي غداتس وهني وعافيه على قليبتس يا قلبي :
